About Us

Humari Kahaani, Humari Zubani

Do maaon ka ek sapna. Do betiyon ki ek dosti. Aur ek naam - Gulabo.

English mein kahaani kahi ja sakti hai, par kuch ehsaas sirf apni zubaan mein hi bayaan hote hain. Gulabo humare liye sirf ek kahaani nahi hai - yeh un ehsaason, rishton aur sapno ki kahaani hai jo humne dil se jiye hain.

It started the way most beautiful things do - over chai, during shopping trips, and in conversations that meant nothing and everything at the same time. Do maaein, saalon ki dosti, aur jewellery, sapno aur khoobsurat cheezon ke liye ek hi dil.

Ek din, baaton mein se ek sawaal nikla: "Why not start something of our own?"

Bas, wahin se Gulabo ki shuruaat hui. Sapna dekha, himmat jutayi, aur apna kuch banana shuru kiya.

Ek aur rishta - humari betiyaan

Har badi kahaani mein ek chhota sa dil hota hai jo usse dhadakta rakhta hai. Gulabo ke liye, yeh the humari betiyaan.

Bachpan se best friends, jo har cheez mein saath thi, ab apni maaon ke sapne mein bhi saath aa gayin. Ideas se lekar photos tak, social media se lekar website tak - Gulabo unki mehnat aur pyaar se bhi utni hi bani hai jitni humari.

Gulabo sirf jewellery nahi hai

Gulabo ek ehsaas hai. Woh khushi jab aap khud ke liye kuch khareedte ho. Woh excitement jab aap kisi apne ko gift dete ho. Woh confidence jab mirror mein apna favourite piece pehenkar khud ko dekhte ho.

We believe jewellery kisi ek khaas din ka intezaar nahi karti. Har din khaas ho sakta hai. Har aurat khaas hai. Aur har andaaz apna ho sakta hai.

Apne tareeke se, apni jewellery

Gulabo mein hum aisi jewellery laate hain jo aap apne tareeke se pehno, apne mood ke hisaab se style karo, aur sabse zaroori - khud ke liye pehno.

Kyunki zindagi mein sapne dekhne ki koi age nahi hoti - bas dil mein thodi himmat ho, saath mein apne log ho, aur khud par thoda sa yakeen.

Do maaon ne ek sapna dekha. Do betiyon ne us sapne mein rang bhare. Aur us sapne ka naam hai - Gulabo.

Pyaar se banaaya. Dil se chuna. Aapke andaaz mein.
Jewellery, your way.